$98起！荃灣石燒牛扒扒房 鵝肝厚切平鐵牛扒／黑松露牛仔骨

Vic Vic

打卡熱點

Day22Steak

喜歡鋸扒的朋友 - 推介餐廳🤭

牛魔王啱晒 鵝肝配美國安格斯牛柳（上枱時已經切好）👍🏻、安格斯牛仔骨、兩客也配上黑松露牛油（好惹味）🤤配上鐵板燒。（小心彈到周圍都係油）🤤波浪薯條，正🤤（本身加咗啲鹽，最尾食仍然好脆。）😋😋 加了花蜜雞翼，但係冇乜味，美中不足 但整體嚟講，D牛好有肉味，好好食😋😋 #打卡美食#打卡相我攞獎#香氣四溢

leewengii

香港攻略

Manya Japanese Restaurant

滿分放題🏡御滿屋

🏡從來唔會對日式放題嘅食物質素有任何期望，但御滿屋真係令我喜出望外。滿屋早前改名為御滿屋，旺角、荃灣、大埔都有分店，我今日試荃灣午市放題。放題分幾個級數，我食最平嘅A餐，$238，中午十二點開店，可以食到三點落場為止。諗住最平嗰餐一定冇嘢好食，點知就算係最低消，食物選擇到極之豐富。 🐟魚生非常新鮮，🦐赤蝦更加可以用大隻來形容，蝦頭超多膏。加$10可以加一隻大閘蟹🦀雖然係細細隻不過都有蟹膏、鮮甜，十蚊真係超值。依家仲免費升級🇲🇾馬來西亞燒榴槤任叫任食，而且叫咗好多轉全部香甜多肉，真係淨食榴槤都回本。另外仲有燒羊架、紐西蘭西冷、燒乳鴿、煎比目魚、燒牛舌等，全部高質。壽司卷物就正常發揮，火炙焦糖三文魚甜甜哋好味。自助區仲有麻辣小龍蝦，好受歡迎。呢個價錢已經包清酒啤酒梅酒等任飲。連🍨häagen-dazs同movenpick雪糕都係任食。 出菜快、收碟快、食物賣相靚、永無扣單漏單、服務好、環境舒適，我畀御滿屋滿分。 #UCreator #自助餐 #放題 #狂歡partytime#日玩夜玩 #想要人氣聯名系列 #出發打卡 #我想逆轉齡 #溫和身體護理三步曲 #momentswithucreator #bestfoodwithucreator

A美食焚化爐

擦餐勁

歷山餐廳

「蟹逅· 鮑魚海鮮盛宴」 @ 歷山餐廳 ( 北角城市花園歷山酒店 )

就近聖誕節，同朋友慶祝，莫過於去食自助餐，吃氛又好，食物多完化，想點食都得。 早前去了位於炮台山的歷山酒店，雖然並非是聖誕節推廣，但已經比之前進步良多。 先講下幾個回本位。 焗蟹蓋 平日係餐廳食一隻都幾十蚊，家陣仲要加埋魚籽，份外覺得矜貴。 澳洲鮑魚刺身 刺身級別，肉質軟腍，而且預先切成片，蘸點一下日式醬油，味道更鮮。 即開生蠔 每晚都會提供生蠔，今晚是美國生蠔以及愛爾蘭生蠔，美國蠔近年已再不是大而無當，蠔味正在改進中，而愛爾蘭蠔就海水味較重。 海鮮 有青口 、長腳蟹爪、翡翠螺及凍蝦，種類雖然不多，但質素搭夠。 刺身 是餐廳強項之一，有牡丹蝦、赤貝、帶子、吞拿魚、油甘魚、三文魚及八爪魚。 必食當然係爽甜的牡丹蝦、脆彈的赤貝及嫩滑的帶子。 蟹粉鮑魚海鮮粥 每窩都有原隻鮑魚、青口及海蝦，再舀上蟹粉，綿滑的廣東開花粥底，每口都是豐腴的海鮮味。 湯 每晚都有不同燉湯，今晚是羊肚菌花膠響螺燉雞湯，夠火喉，食材的味道都融入湯裡，又滋補，建議多飲一兩盅。 另外西湯是蘑菇忌廉湯，而中湯是南瓜蟹粉素翅羮是各有特色。 Carving Station 香煎鴨肝 油香滿滿，入口即化，最緊要係即食。 慢燒美國頂級西冷牛扒 肉質嫩滑有嚼口，肉味濃，配上海鹽更正。 酥焗羊架、西班牙黑毛豬叉燒 不喜歡牛肉又有羊架及叉燒，想不到叉燒有水準，但可惜無白飯配。 熱葷 皇帝蟹芝士通粉 是晚最受歡迎的菜色之一，尤其是皇帝蟹殼早已切開，起肉話咁易，濃稠的芝士味好香，必食。 清蒸原條沙巴龍躉 蒸得啱啱好，又無碎骨食得好安心。 泰式香茅海鱸魚 除了中式的蒸魚，另外有泰式鱸魚，陣陣香茅味，很有亞熱帶風味。 蟹黃粉絲蒸蟶子 粉絲與蟶子原是絕配，尤其是粉絲沾上了蟶子的肉汁，味道變得更有層次，又有蟹黃加持，必食之一。 黑松露薯蓉奶油焗卡邦尼鮑魚 從善如流，鮑魚今次褪了殼，食落更衛生及方便，黑松露薯蓉亦綿滑可口，不錯。 蟹肉伊麵 好有婚宴單尾的氛圍，每口都是童年回憶，伊麵混和了蟹肉，多了一份鮮味。 加上皇帝蟹茶碗蒸、黑椒牛仔骨、黑醋咕嚕肉、避風塘炒雙蟹、紅酒會春雞、德國咸豬手、清炒福花及雜錦燒烤，陣容比起好多地方豐富。 Cold Cut 有挪威煙三文魚、巴馬火腿伴蜜瓜及雜錦凍肉拼盤。 芝士碟 有法國金文畢、英國車打以及瑞士芝士。 沙律及前菜 其實皇帝蟹肉白酒啫哩凍批好特別，而且無違和感，味道好夾。 清清地又有華道夫沙律、蓮藕沙律、越式皇帝蟹粉絲沙律、泰式無骨酸辣鳳爪 、涼拌木耳沙律及DIY沙律。 甜品 Movenpick雪糕 迷你杯裝雪糕夠衛生，有士多啤梨、雲呢拿、瑞士朱古力及 Mint & Cocoa四款口味，看似很平凡，但反而是經典的口味，最多人食。 而甜品有藍莓芝士蛋糕、抹茶栗子慕絲蛋糕、栗子忌廉蛋糕、柚子凍糕、抹茶意式奶凍、栗子木糠布甸、啫哩杯、楊枝甘露布甸、抹茶戚風蛋糕 、焦糖布甸、即製窩夫、芒果拿破崙、葡撻、蛋撻、雜錦曲奇、麵包布甸及白朱古力噴泉。 個人推薦清香怡人的柚子凍糕、甜美可口的栗子忌廉蛋糕及酥脆芳香的芒果拿破崙。 飲品 任飲已是常態，紅酒、白酒、啤酒、汽水、蘋果汁、橙汁、咖啡及茶，通通free flow，比起以前好buffet只得一杯飲品是進步多了。   Facebook 專頁 : 歷山酒店   地址 : 北角城市花園道32號歷山酒店大堂樓層   電話 : 3893 2868   味道 : 4  環境 : 4  服務 : 5  衛生 : 5  抵食 : 4  位置 : 4   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔'LIKE'，當作小小的鼓勵吧!謝謝!   http://www.facebook.com/foodiephilip #聖誕節 #自助餐 #北角 #美食焚化爐 #歷山餐廳 #歷山酒店 (此文章由U Blog 同步發佈至社群)