韓國人氣湯飯Um Yong Baek正式登陸香港！密陽式豬肉湯飯／SEVENTEEN珉奎都食過 (即睇餐廳選址)

FoodTravel_World

香港攻略

嚴湧帛

韓國過江龍🇰🇷親民價食高質燒肉！去前要留意呢樣嘢？

嚴湧帛喺韓國主打豬肉湯飯,依家開到嚟香港!餐廳環境格局都同韓國嘅好相似,抽風做得好好,食完唔會陣油煙味,最緊要食物質素一食就好似返咗韓國咁🥹 🌟豬肉燒烤二人餐 $510 一次食齊掌頭肉+五花腩+豬頸肉!呢個套餐比起單叫抵好多🤩一食豬肉就好似返咗韓國咁,豬肉味勁濃但冇臊味,肉質燒完口感彈牙入面仲好Juicy🥹 最鍾意拳頭肉!肉質真係好彈又唔肥,豬頸肉啲油脂燒晒出嚟都係好香,都會脆脆地;五花腩仲會食到豬皮嘅質地,真係三款都好好食🥹🥹餐廳仲有多款醬料配料配搭一齊食,解膩又多幾種口味! 🌟紫蘇油撈麵 $90 呢個一定要加點!香噴噴嘅紫蘇油香好突出 麵條煙韌掛汁,撈勻之後連埋芝麻每一啖都好香! 📍 嚴湧帛 (中環) 中環士丹利街22號地舖 ▫️▫️▫️▫️▫️▫️▫️▫️▫️▫️▫️▫️▫️ 🌟評分:10/10 💡小貼士: 🌟提前上網預約!假期Walk in 6:00開始排隊 🌟中午只有豬肉湯飯,晚餐只有韓式BBQ {{hket:campaign display="春日去濕救星"}}{{/hket:campaign}}#嚴湧帛#中環美食#中環燒烤#香港燒烤#香港美食#香港探店#中環晚餐#紫蘇油撈麵#hkfoodie#香港食評

ForksnFur

香港攻略

三食

湯飯控必試💫 中環新開韓國 Comfort Food 🧡

中環新開嘅韓式餐廳,走簡約舒適風,裝修簡潔又有氣氛,坐得舒服好放鬆🌿✨ 餐前會送上三款韓式前菜:泡菜､醃蘿蔔､辣生魷魚,全部都開胃惹味~ 特別系辣生魷魚,微辣帶甜,口感彈牙,食完想再食! 🍲豬頭肉湯飯 湯底用豬骨熬成,白白濃濃,味道香滑又暖胃｡豬頭肉鹵得入味,口感煙韌唔油膩,食落好滿足~ 🥘綜合湯飯 超澎湃!有血腸､內臟､豬肉片､豬頭肉,一碗食到幾種口感,血腸煙韌唔腥,韓式風味十足🇰🇷! 食物真材實料,味道地道,價錢合理,系中環想嘆湯飯嘅新選擇,推薦~💯 📍三食 SAMSIC 中環蘇豪些利街2號LL Tower地鋪 #韓式料理#韓國美食#新開餐廳#湯飯

feijaichoy

香港攻略

韓白湯飯

灣仔📍美食 I 隱世新晉韓式料理 進佔湯飯一席之地

天氣持續炎熱，唔知大家會食咩嘢消暑呢？提起韓式食品嘅話，大家可能會諗起冷麵、水拌生魚片，又或者係紅豆刨冰🍧。不過，原來係韓國社會一直流行住「以熱制熱」嘅講法，用熱食促進排汗，達致暖脾同散熱嘅功效。 今次為大家介紹嘅係隱藏於灣仔摩理臣山附近，新開嘅韓式湯飯專門店，嚟感受吓以熱制熱嘅感覺！ ✿✧✿✧✿✧✿✧✿✧✿✧✿✧✿✧✿✧✿✧✿✧✿ 🏞 環境 地方比較淺窄，除咗中間有張長形大檯之外，側邊得兩張雙人檯。10幾人就客滿，到食飯時間就未免要排隊啦！餐廳以木色做主調，牆身以仿紙窗做裝飾，透出柔和燈光。整個裝潢同一間韓國刀削麵過江龍有異曲同工之妙。 ✿✧✿✧✿✧✿✧✿✧✿✧✿✧✿✧✿✧✿✧✿✧✿ 🍽 食評 清血腸湯刀削麵（$83）🍜 平時嘅我好少嗌內臟，今次呢度有係香港少見嘅血腸湯，就一於試吓啦！石鍋牛骨湯奶白香濃，入口綿密醇厚，搭配青蔥同黑胡椒，更能起到提鮮嘅作用。至於血腸質感較為結實，完全無血腥味，實屬驚喜！不過，麵底似扁烏冬多過刀削麵，浸湯之後就淋晒。雖然可以掛汁，但係口感上就嘛嘛哋喇。 招牌韓白清豬湯飯（$78）🍲 豬肉湯飯係釜山其中一道經典嘅菜式。清澈嘅湯頭同樣散發住胡椒味，即使加入豬肉亦鮮而不膩。薄切豬肉片口感軟嫰，配搭住素面，充分吸收湯底精華。湯飯主角又點少得有飯呢！日韓個邊又飯又麵嘅食法，唔單止碳水化合物充足，仲好飽肚添！ ✿✧✿✧✿✧✿✧✿✧✿✧✿✧✿✧✿✧✿✧✿✧✿ 午市叫湯飯/麵套餐（$118）仲包1款小食同飲品。個人推介醬油豬烤肉。豬肉肥瘦均勻，搽上甜醬烤之後真係好好味！如果怕熱嘅話，呢度仲有冷麵畀大家選擇。定價雖然比同區貴，但係物有所值！ 韓白湯飯 🗺 地址：灣仔活道18號地舖 ⏰️ 營業時間：11:45-21:00 💸 人均消費：$130/位 😋 味道：3.5/5 🏞 環境：3.5/5 🤵‍♂️ 服務：4/5 💰 性價比 ：3.5/5 #韓式料理 #湯飯 #豬肉湯飯#血腸#烤肉 #韓白湯飯 #灣仔 #香港美食 #香港攻略