飲茶優惠｜連鎖酒樓快閃54折點心套餐！$131食足8道點心：蝦餃＋燒賣＋春卷 (附分店一覽)

Peter Tong

擦餐勁

鍾廚 (銅鑼灣)

鍾廚位於銅鑼灣勿地臣街1號時代廣場12樓1201號舖，環境舒適寬敞和裝潢雅致。 鍾廚的點心每天人手新鮮制造，即叫即蒸和味道鮮美。$7點心有：香芋鲜牛奶包(1件）、奶黃蘋果包(2件）、XO醬蒸鳳爪、潮州蒸粉果(1件）、香煎韭菜餃(2件）；$8點心有：麒麟馬拉糕(1件）、鮮蝦蒸韭菜餃(3件）、白灼時蔬、香煎雞粒韭菜粿(2件）、香脆炸饅頭(（3件）；$9點心有：黑松露野菌包(1件）、叉燒焗餐包(件）、香煎蘿蔔糕(3件）、鮮鮑魚燒賣(1件）、手工蝦餃皇(1件）。誠意向各位推介鮮鮑魚燒賣，這款燒賣加入了非常大隻鮮鮑魚肉，燒賣皮薄而富有彈性，內餡豬肉多汁且加入鮑魚帶來獨特鮮味，口感爽滑；奶黃蘋果包外皮柔軟細膩，帶輕微微的甜香，包內的奶黃餡滑溜香甜，結合了蘋果果肉的微酸和清新，口感香甜不膩，外型像蘋果一樣，打卡一流；手工蝦餃皇餃皮晶瑩剔透，內餡蝦肉鮮甜彈牙，口感爽脆。 #雙聚嚐月

frostiewithfood

著數報料

啟德

啟德新開張手工點心🤤限時免茶芥加一好抵食！

#frostie啟德之旅 ✅ #大池小館 📍美食探險👉 @frostiewithfood - 🔥啟德新開張特色手工點心🔥 週末同屋企人出去飲茶, 屋企人話啟德開咗間性價比高嘅餐廳,主打手工點心,小點$25､中點$35､大點$40､特點$45､頂點$55,最近新開張,免茶芥及加一! 咁就要嚟試下啦 小點 蠔皇蜜汁叉燒包 醬皇蒸鳳爪 叫咗兩款小點,分別係蠔皇蜜汁叉燒包同埋醬皇蒸鳳爪｡叉燒包一共有四個,叉燒肉肥瘦適中,醬汁啱啱好唔會太甜｡ 鳳爪就有五隻,底下有唔少花生,夠味又唔會太重口 中點 黑金流沙包 啤梨咸水角 中點都叫咗兩款,分別係黑金流沙包同埋啤梨鹹水角｡流沙包表面灑咗啲金粉,睇落去好吸引,搣開入面嘅餡料仲係好流心,食落香甜｡ 鹹水角有三隻,整到啤梨嘅形狀好Cute,煙韌外皮同香口既內餡加埋好夾 特點 大池鮮蝦餃 龍蝦湯浸鮮竹卷 原隻鮮蝦燒賣皇 黑松露野菌餃 特點就叫咗四款,分別有鮮蝦餃,鮮竹卷,燒賣皇同野菌餃｡鮮蝦餃肉質飽滿,入面除咗蝦仁,仲有落蝦籽,鮮味十足｡ 鮮竹卷有三件,浸喺龍蝦湯入面,腐皮吸曬龍蝦湯既精華,加埋入面既餡料正好 燒賣王有四粒,表面除咗加咗隻蝦仁之外,入面嘅餡料亦都有蝦,豬肉,冬菇,瑤柱食落好鮮甜爽口 黑松露野菌餃同樣用咗金粉點綴,一咬開就聞到濃厚嘅黑松露香,入面除咗野菌之外仲加咗芹菜粒,增加口感 - 分數:4/5 - 🏠 大池小館 @dachipavilion - #打卡able#相機食先#啟德體育園#甜品#療癒美食#dessert#foodie#ComfortFood#啟德美食#啟德探店#啟德#優惠#折扣#折扣優惠#著數#限時優惠#啟德點心#手工點心#飲茶

frostiewithfood

著數報料

自己人 GAGINANG

復活節沙田半價嘆點心🤣平到笑👍🏻

🏠 自己人 今日同朋友走咗去沙田,見到餐廳午市做緊會員可享平日點心半價,感覺幾抵食,一於試下先 黑蒜蝦燒賣 叫咗份黑蒜蝦燒賣,一共有3件,燒賣外皮係黑色,面頭就有一原隻蝦,入口有好明顯嘅蒜頭香味 黑松露野菌餃 另外亦都叫咗一籠3件嘅黑松露野菌餃,野菌餃口感豐富,有明顯嘅黑松露香氣,入面仲有青豆同埋粟米粒增加口感 抱抱蝦餃 鍾意食蝦餃,一籠有3件, 蝦餃特別之處係原隻蝦餃上面,仲有一個細細地嘅蝦餃仔,好似抱抱咁,蝦餃內餡飽滿,蝦仁鮮美 鳳梨雀仔 呢款鳳梨雀仔一共3件,用雀籠上,入面嘅雀仔整到好似真嘅咁,真係好打卡,食落有啲似台灣嘅鳳梨酥, 酸甜酥香 金魚戲水 顧名思義呢個係兩隻金魚 喺度遊水,其實係湯蝦餃,食落煙韌彈牙,加埋鮮甜嘅蝦仁內餡,真係睇得又食得 粥底蟹肉豆苗 想食下菜就叫咗粥底蟹肉豆苗,豆苗仍然保持爽脆,表面灑上蟹肉絲,底下嘅醬汁就好似粥底質地,味道鮮甜清爽 油柑燉鮑魚 叫咗兩碗油柑燉鮑魚,鮑魚食落爽口,油柑其實係青橄欖,味道帶酸,所以令到成個湯底有淡淡酸味,亦突顯海鮮嘅鮮味 金不換椒麻蝦 呢款椒麻蝦有驚喜,食落香脆爽口 連蝦殼都可以食落肚,金不換嘅香氣明顯,配上花椒,椒麻口味令人忍唔住一嚿接一舊咁食 金蒜海斑肉蒸籠飯 主菜叫咗一款金蒜海斑肉蒸籠飯,蒸籠飯用荷葉包裹住,飯表面有唔少海斑肉,魚肉入口軟淋,加上蒜粒同埋豉油,入口鮮香美味 伍仁豆腐 呢款伍仁豆腐睇落去平平無奇,但係表面灑上咗滿滿嘅豆粉､白糖､芝麻, 豆腐香滑,外脆內軟,味道香甜 桃膠雪耳紅棗 另外都叫咗一份桃膠雪耳紅棗,桃膠雪耳煮到起膠,味道香滑,滋補養生 #抱抱蝦餃#沙田點心優惠#黑蒜蝦燒賣{{hket:campaign display="chill賞去旅行"}}{{/hket:campaign}}#ucreator#打卡美食#好去處