飲茶優惠｜連鎖中菜突發點心半價激減！即叫即蒸手工點心5折／全港3間分店限定 (即睇優惠時段)

U Food

打卡熱點

荃新天地一期/ 萬景峰停車場

荃灣點心店9月全日點心半價  麻婆小籠包/潮汕生醃蟹/雪茄春卷

荃灣今年新開嘅「自己人」，主打新派潮式手工菜同點心，無幾耐又宣佈啟德開分店。為慶祝啟德新店，由即日至9月30日，荃灣店限定全日堂食點心半價，必食麻婆豆腐小籠包、鬼馬流沙黑芝麻、抱抱蝦餃、雪茄春卷、金魚戲水，全部都非常打卡~ 地址：荃新天地一期 UG43 & UG81（港鐵荃灣西站 A1 / 荃灣站D 出口） #美食 #美食推介 #點心推介 #打卡美食 #荃灣美食 #荃灣美食推介

GC haru

打卡熱點

自己人 GAGINANG

1. 沙田自己人點心半價！金魚蝦餃必食！😋📸

#社群生日快樂 去咗沙田新開既自己人食點心,下午茶點心半價優惠~嘩~點心好精美~影相一流~味道略濃味~要飲多杯茶~我覺得最好食係水蝦餃,即係果2條金魚~而荔枝就可以skip,因為個皮好麵粉,雖然外面炸到好脆,入面既芝士食唔出係芝士~ #打卡美食#相機食先#打卡

frostiewithfood

香港攻略

自己人（荃灣店）

復活節假期必食✨沙田半價點心😍

🏠 自己人 今日同朋友走咗去沙田,見到餐廳午市做緊會員可享平日點心半價,感覺幾抵食,一於試下先 黑蒜蝦燒賣 叫咗份黑蒜蝦燒賣,一共有3件,燒賣外皮係黑色,面頭就有一原隻蝦,入口有好明顯嘅蒜頭香味 黑松露野菌餃 另外亦都叫咗一籠3件嘅黑松露野菌餃,野菌餃口感豐富,有明顯嘅黑松露香氣,入面仲有青豆同埋粟米粒增加口感 抱抱蝦餃 鍾意食蝦餃,一籠有3件, 蝦餃特別之處係原隻蝦餃上面,仲有一個細細地嘅蝦餃仔,好似抱抱咁,蝦餃內餡飽滿,蝦仁鮮美 鳳梨雀仔 呢款鳳梨雀仔一共3件,用雀籠上,入面嘅雀仔整到好似真嘅咁,真係好打卡,食落有啲似台灣嘅鳳梨酥, 酸甜酥香 金魚戲水 顧名思義呢個係兩隻金魚 喺度遊水,其實係湯蝦餃,食落煙韌彈牙,加埋鮮甜嘅蝦仁內餡,真係睇得又食得 粥底蟹肉豆苗 想食下菜就叫咗粥底蟹肉豆苗,豆苗仍然保持爽脆,表面灑上蟹肉絲,底下嘅醬汁就好似粥底質地,味道鮮甜清爽 油柑燉鮑魚 叫咗兩碗油柑燉鮑魚,鮑魚食落爽口,油柑其實係青橄欖,味道帶酸,所以令到成個湯底有淡淡酸味,亦突顯海鮮嘅鮮味 金不換椒麻蝦 呢款椒麻蝦有驚喜,食落香脆爽口 連蝦殼都可以食落肚,金不換嘅香氣明顯,配上花椒,椒麻口味令人忍唔住一嚿接一舊咁食 金蒜海斑肉蒸籠飯 主菜叫咗一款金蒜海斑肉蒸籠飯,蒸籠飯用荷葉包裹住,飯表面有唔少海斑肉,魚肉入口軟淋,加上蒜粒同埋豉油,入口鮮香美味 伍仁豆腐 呢款伍仁豆腐睇落去平平無奇,但係表面灑上咗滿滿嘅豆粉､白糖､芝麻, 豆腐香滑,外脆內軟,味道香甜 桃膠雪耳紅棗 另外都叫咗一份桃膠雪耳紅棗,桃膠雪耳煮到起膠,味道香滑,滋補養生 #沙田點心#特色點心#點心半價{{hket:campaign display="chill賞去旅行"}}{{/hket:campaign}}#ucreator#打卡美食#好去處#打卡