$88起！實測「翻版千海水產」 北角新開宮廷風即撈海鮮火鍋放題

Asura Queen

著數報料

北角宮廷風火鍋！任食生猛海鮮🦀🦐！ 😋

位於北角地鐵站附近工廈嘅火鍋放題店，地點確實方便，一出地鐵行幾步就到。餐廳以中國宮廷風格設計，紅木傢俬、仿古燈籠同雕花屏風營造出古色古香嘅氛圍，坐位寬敞，環境舒適，仲帶點四川風情。 任撈生猛海鮮區 最吸引絕對係120分鐘任食即撈海鮮！餐廳設有一個魚缸，入面有生猛大頭蝦、蟹、鮑魚、蜆同東風螺，全部識郁兼活躍。尤其大頭蝦隨時會跳彈逃走，隔離枱嘅客人就嚇到尖叫。大頭蝦肉質彈牙，鮑魚爽口有嚼勁，蜆同蟹都鮮甜冇沙，簡單淥一淥就已經足夠鮮味。 招牌湯底花膠雞鍋 湯底選擇唔算太多，不過有齊經典麻辣、番茄、大骨湯同菌菇鍋等。今次試咗招牌花膠雞鍋，湯色金黃，雞肉的鮮味與花膠的滑潤完全融入湯中，仲加咗蟲草花同紅棗，飲落滋補順喉。極力推薦加份竹笙，吸滿湯汁之後超級正！ 多款肉類+罕見內臟任點 掃碼點餐有大量選擇，除咗自助區海鮮，仲有原條紅衫魚、鯧魚、生蠔同海參等，呢啲喺其他火鍋店較少見。生蠔肥美鮮甜，海參爽滑。肉類方面有美國安格斯肩胛肥牛、新西蘭小肥羊同荷蘭五花腩片等，切得薄身，油花均勻，涮幾秒就食得。仲有鮮鵝腸、豬黃喉、豬腦、雞子等內臟款式，適合鍾意試特別配料嘅朋友。 熟食+蔬菜丸類應有盡有 自助區有熟食如麻辣羊肉串、豬手、辣魚肉同炸物，甚至烤榴槤都有！蔬菜區提供多款新鮮蔬菜如生菜、娃娃菜、白蘿蔔，仲有丸類、烏冬、響鈴等，選擇豐富。菌類同海藻類款式也多，健康又清爽。 甜品飲品任食任飲 飲品櫃有汽水、涼茶、冷泡茶同啤酒，最驚喜係椰青水任飲！甜品方面有少量選擇，但以火鍋放題來說已經合格。 免加一兼有時段折扣 中小學生同長者有9折，5歲以下小童免費。生日訂餐可享88折，晚上10點後入座同樣有88折，營業至凌晨3點，最重要係免加一，確實抵食。 大西洋海鮮火鍋：香港北角英皇道395號僑冠大廈地下28-31號舖 #香港美食#北角美食#大西洋海鮮火鍋#大西洋火鍋#火鍋放題#海鮮火鍋#重慶火鍋#任食任飲#請您食月餅

Amerio

擦餐勁

千海水產，我以為自己咗海鮮批發市場，點知真係一間火鍋放題😳

🦐朋友話帶我去食火鍋，結果我去咗海鮮批發市場？ 去到 千海水產，我以為自己去錯地方，點知真係一間火鍋放題😳 成條自助撈海鮮區長到好似超市海產部，啲鮑魚、大頭蝦、花蟹全部不停補貨，任拎任煮，拎多拎少都冇人黑面，呢種自由我鍾意！ 我同朋友每人拎三round仲未夠喉，火鍋變咗「捕魚大賽」🎣 而且啲海鮮唔係得個樣，真係勁鮮甜🫶🏻撈完即煮，配個花膠雞湯底，食到我想申請住喺度😮‍💨 最後當然唔少得甜品位～Haagen‑Dazs 無限任食，食完感覺人生都變甜咗🍦 💅🏻 📍分店喺九龍灣／旺角／荃灣，約friend出動絕對冇死💯 #千海水產 #海鮮放題 #自助撈海鮮 #火鍋任食 #打邊爐日常 #食到唔想走 #HaagenDazs控注意 #海鮮放題 #火鍋任食 #千海水產 #自助撈海鮮 #打邊爐日常 #食到唔想走 #HaagenDazs控注意 (此文章由U Blog 同步發佈至社群)

Fatty_taste_founder

擦餐勁

千海水產海鮮火鍋放題（旺角店）

千海水產放題！生猛海鮮任你撈 🦀🦐

旺角MOKO新世紀廣場6樓嘅千海水產海鮮火鍋放題,真系超級驚喜!第三間分店,面積最大,有1萬5千呎,環境寬敞明亮,座位舒適,一啲都唔逼,感覺好豪華｡最大賣點當然系｢即撈即煮｣嘅生猛海鮮區,水池養咗好多款活海鮮,包括三點蟹､花蟹､大頭蝦､基圍蝦､鮑魚､貴妃蚌､沙白､美國蜆､生蠔等,只只都生猛游水,店員不停補貨,絕對任撈任食,保證新鮮彈牙! 我同朋友叫左芫荽皮蛋做湯底,好襯海鮮｡撈咗好多蟹同蝦,蟹膏滿瀉,蝦肉鮮甜,涮落去湯汁即刻變得更鮮美｡仲有澳洲M5和牛,油花均勻,涮幾秒就入口即熔,超正!自助區超過120款美食,熟食區有鵝肝多士､燒乳鴿､羊架､即叫即整,好抵食｡原粒榴槤､燉木瓜等,任食到飽,飲品仲有生啤添! 絕對回本!服務親切,店員幫手清洗海鮮好快手｡#UCreator#自助餐#火鍋#放題#香港美食